లక్ష్మి నారాయణా శతకము

లక్ష్మి నారాయణా శతకము

పంచ పద్య ప్రణీతము: పోచిరాజు కామేశ్వర రావు.

 

 

వాగీశ్వరి. (సుమందారమాల.)	తనువ్రాతముల్ పెక్కు లిద్ధాత్రి క్షీణింప ధర్మంబు దర్శించి కాపాడఁగా ననేకాకృతుల్ వూని యత్యార్తి జన్మింతు వింపార నంభోజపత్రాంబకా! ఘనశ్యామ! నిత్యమ్ము నోంకార నాదమ్ముతోఁ గూడి కన్పించు నామాలియే    యనంతాఖ్య! దేవర్షి నిత్యర్చ్య! వక్షో విరాజన్మహాలక్ష్మి! నారాయణా!	1.
వాగీశ్వరి.	కనత్స్వర్ణ కేయూర వక్షస్స్థ లాక్రాంత హారాళి కాంతుల్ ప్రకాశింపఁగా జనోద్ధార ణైకైక లక్ష్యంబు డెందమ్ము నందీవు సంధింతువే నిత్యమున్ వినాశమ్ము నింపారఁ గావింతు విశ్వేశ! దుష్టాలిఁ బీడింపఁ బుణ్యాలి నో      యనంతాఖ్య! దేవర్షి నిత్యర్చ్య! వక్షో విరాజన్మహాలక్ష్మి! నారాయణా!	2.
వాగీశ్వరి.	అనూహ్యంబు నీరూప మత్యంత సంతోష సంధాయ కాశ్చర్య పాత్రంబునౌ దినే శాబ్జజన్మాదిగా దేవ తానీక మెల్లప్డు దేవేశ! పూజింతురే నినుం బుండరీకాక్ష! ప్రాణివ్ర జోత్తారకా గ్ర్యేశ! నిత్యుండ! దామోదరా! యనంతాఖ్య! దేవర్షి నిత్యర్చ్య! వక్షో విరాజన్మహాలక్ష్మి! నారాయణా!	3.
వాగీశ్వరి.	మునివ్రాత మెవ్వాని ముప్పొద్దునన్ మంత్ర యుక్తమ్ము పూజించు సద్భక్తితో జనవ్రాత మెవ్వాని విశ్వాస మేపారఁ బూర్ణమ్ము స్వాంతమ్ములం దల్చునో మనోహారి యెవ్వండు మా మాత కవ్వానిఁ బద్మాక్షు మంత్రాళిఁ బూజింతు నే     ననంతాఖ్య! దేవర్షి నిత్యర్చ్య! వక్షో విరాజన్మహాలక్ష్మి! నారాయణా!	4.
వాగీశ్వరి.	అనూరున్ గరుత్మంతు నుష్ణాంశుసారథ్య దామోద రాశ్వక్రి యాసక్తులన్ సనైపుణ్య సామర్థ్య నిశ్శంకులం జేసి తింపారఁ జక్రాయుధా!శ్రీధరా! నినుం గొల్వ సద్భక్తి సన్నిష్ఠ భక్తాలి శ్రీవత్స! నిత్యమ్ము రక్షింపవే యనంతాఖ్య! దేవర్షి నిత్యర్చ్య! వక్షో విరాజన్మహాలక్ష్మి! నారాయణా!	5.