Amma Prema

 

	అమ్మ ప్రేమ.
కం.	కన్నుల వీడక యెన్నఁడు మిన్నఁగఁ గాచు కనుబొమల మించుచు నెపుడుం గన్న తన వారి నెల్లరఁ జెన్నుగఁ గాపాడు తల్లి  సేరి కొలువుమా	1.
కం.	తిన్నను సుంతయుఁ  దాఁ దిన కున్నను బిల్లలకు నింపు నున్నతముగ బొ జ్జన్నిండుగఁ దడుముచు నో యన్న! కలరె తల్లి కెంచ నవనిన్ సరియే!	2.
కం.	పిల్లలు సేయఁగ నిత్యము నల్లరి భరియించు నెల్ల నానందముగం గల్లలు పల్కిన నల్గదు మెల్లఁగ దిద్దు జను లేరు మించరు తల్లిన్	3.
కం.	కక్కిన నెత్తును విసుగక ముక్కినఁ బక్కన నిలుచును మోము నిమురుచున్ దిక్కుగ నుండును గలిగినఁ జిక్కులు వేలు పనఁ దల్లిఁ జిత్రం బగునే	4.