దైవస్తుతి

 

దైవస్తుతి

ప్రణీతము: పోచిరాజు కామేశ్వర రావు  

ఓం శ్రీ గణేశాయ నమః

ఓం హరహరమహాదేవాయ నమః

ఓం నమో నారాయణాయ.

విఘ్నేశ్వర స్తుతి:

శ్రీగణేశం శ్రితార్తిఘ్నం సర్వ విద్యా ప్రదాయినమ్।

పుష్టికాంతం సురాధ్యక్షం పృథ్వీగర్భం నమామ్యహమ్॥1॥

మూషికానింద్య సంచారం మోదక హస్త భాసురమ్।

నమామి గిరిజా సూనుం వక్రతుండం వినాయకమ్॥2॥

లంబోదరం సదాదాన మేకదంతం గజాననమ్।

చతుర్భుజం మహాకాయం వందే హరవరాత్మజమ్॥3॥

ద్వైమాతృక వరం దేవం నాగోపవీత భాసితమ్।

విఘ్నరాజం గణాధ్యక్షం ప్రణమామి భవాత్మజమ్॥4॥

శూర్పకర్ణం కుమారాగ్ర్యం హేరంబం కుబ్జవిగ్రహమ్।

శుక్లాంబరం ప్రసన్నాస్యం మందహాసం నమామ్యహమ్॥5॥

రుద్రైకాదశకము.

శ్రీశైలస్థిత కేదారం కాశీనాథం త్రిలోచనమ్।

హరం త్రిపుర సంహారం దిగంబరం నమామ్యహమ్॥1॥

కైలాస గిరి సంవాసం హైమవతీ మనోహరమ్।

గంగాధరం మహాదేవం నమామి చంద్ర శేఖరమ్॥2॥

హాలాహల విషాహారం భస్మకాయ విరాజితమ్।

భూతప్రేత గణాధ్యక్షం నటరాజం నమామ్యహమ్॥3॥

ఫాలనేత్రం జటాజూటం శాశ్వతం నాగభూషణమ్।

ఊర్ధ్వరేతస మీశానం వృషధ్వజం నమామ్యహమ్॥4॥

కందర్ప గాత్ర హర్తారం కామిత వర దాయినమ్

ప్రణమామి మహాదేవం హరం భక్త వశంకరమ్ ॥5॥

సదాశివం సతీనాథం గంగేశ్వరం మహేశ్వరమ్ 

దేవాసుర గణారాధ్యం నమామి నంది వాహనమ్ ॥6॥

పూర్వోత్తర దిగధ్యక్షం హిమవన్నగ సంస్థితమ్

ప్రణమామి విరూపాక్షం వామార్ధ స్థిత శైలజమ్ ॥7॥ 

సురాపగా సు మూర్ధానం సుర సంచయ పూజితమ్

నిజ భక్త జనాధీనం శుభప్రదం నమామ్యహమ్  ॥8॥ 

తాండవప్రియ దేవేశం దాక్షిణ్యాది గుణప్రభమ్ 

అంబరాంబర సద్గాత్రం ప్రణమామి త్రిలోచనమ్ ॥9॥ 

శూలాయుధ మహావీరం మాతంగ చర్మ ధారిణమ్ 

కాలాంతకం పురారాతిం నమామి విశ్వపాలకమ్ ॥10॥ 

సర్పకుండల సర్వజ్ఞం సుప్రతీకం సుదర్శనమ్

సువర్ణాక్షం స్వయంభూతం ప్రణమామి విషాంతకమ్ ॥11॥  

కృష్ణ స్మరణ:

శ్రీరమా సుమనోనాథం కౌస్తుభ మణి భూషితమ్ |

శంఖ చక్ర గదాహస్తం స్మరామి సతతమ్ హరిమ్||1||

నీలాంబుద నిభశ్యామం నీరజపత్ర లోచనమ్ |

శిఖిపింఛధరం కృష్ణం స్మరామి మురళీధరమ్||2||

తృణీకృత తృణావర్తం పూతనా ప్రాణ హారిణమ్ |

అర్జున మోక్ష దాతారం స్మరామి బక మర్దనమ్ ||3||

కాళియఫణ సంత్రాసం  అఘాసుర విదారిణమ్ |

మత్త కుంజర హంతారం స్మరామి నందనందనమ్||4||

శ్రీరామ స్తుతి:

శ్రీరామ మంబుద శ్యామం సర్వ ధనుష్మతాంవరమ్ 

సీతా హృద్వన మందారం వందే దశరథాత్మజమ్ ॥1॥

కౌసల్యా సుప్రజా రామం ససీతా చ సలక్ష్మణమ్ 

ధానుష్క మరవిందాక్షం వందే సత్య పరాక్రమమ్ ॥2॥

జనస్థాన మహారణ్య ఖరాద్యసుర  నాశకమ్ 

పరిరక్షిత మున్యోఘం  నమామి పురుషోత్తమమ్ ॥3॥

విదారిత దశగ్రీవం సంభావిత విభీషణమ్ 

పరిపాలిత సుగ్రీవం సమారుతిం నమామి తమ్ ॥4॥

మంగళం రామచంద్రాయ సత్యసంధాయ మంగళమ్ 

మంగళం నీల దేహాయ సీతానాథాయ మంగళమ్ ॥5॥

అగ్ని స్తోత్రము:

అగ్నిదేవం ప్రచండాంశుం సన్నుత సర్వ భక్షకమ్

స్వాహాపతిం జగద్వ్యాప్తం నమామి హవ్యవాహనమ్ ॥1॥