Sankarabharana Sanchika_శంకరాభరణము సంచిక.

శంకరాభరణము సంచిక.

(మెతుకు సీమ సాహితీ సాంస్కృతిక సంస్థ కొఱకు)

	ఆంధ్రభాషా క్షేత్ర  కృషీవలుఁడు.
శా.	నిత్యంబుండి విశిష్ట వృత్తిఁ దగ సస్నేహమ్ము సద్విద్య వే ప్రత్యక్షమ్మయి యొజ్జగా నొసఁగుచుం బాలించి విద్యార్థులం జైత్యవ్రాత విలగ్న మానసమునం జక్రాయుధుం గొల్చుచున్ సత్యంబైన పథమ్ము నెంచితివి భాషాక్షేత్ర సద్ధాలికా!	1.
శా.	విజ్ఞానాస్పద శంకరాభరణ సత్పీఠమ్ము స్థాపించి భా షా జ్ఞానమ్ము నొసంగుచుం దమి సమస్యాపాద దత్తుండవై ప్ర్రజ్ఞా పాటవ దక్షతం బెనుచ సభ్యశ్రేణికిం బ్రీతినిన్ సజ్జ్ఞానమ్ము సెలంగు చుంటి విల భాషాక్షేత్ర సద్ధాలికా!	2.
శా.	అంతేవాసులు దేశ దేశముల నారాధింత్రు కంద్యగ్రణీ   ప్రాంతాతీతము పండితార్య! విబుధుల్ బంధుత్వ మాశింత్రు నీ చెంతన్ నిల్చుచు సుప్రసన్నముఖ! సచ్ఛీలవ్రతా! శంకరా! శాంతస్వాంత! మురారి గాచు నిను భాషాక్షేత్ర సద్ధాలికా!	3.
శా.	స్వాంతం బెన్నఁడు నిర్మలమ్ము నయి సత్సౌఖ్యాబ్ధినిం దేలగా నంతర్యామి యశేష మీయఁగను నిత్యం బాయు రారోగ్యముల్ సంతానమ్ము మహాభివృద్ధిఁ గన విశ్వంబందుఁ గంద్యన్వయా సంతోషమ్ముగఁ గందు జీవనము భాషాక్షేత్ర సద్ధాలికా!	4.