Paramesa Trisati

 

పరమేశా త్రిశతి.

పంచ పద్య ప్రణీతము: పోచిరాజు కామేశ్వర రావు.

 

 

 

పరమేశ.	సిత గాత్ర విమల భస్మ చిన్మయ రూపా! నత మౌని గణ సురాలి నాథ వ రార్చ్యా! విత తాఘ చయ విదూర పింగళ నేత్రా!  యతి రాణ్నుత మము గావుమా పరమేశా!	1.
పరమేశ.	గత కల్మష హృదిఁ గొల్తుఁ గల్మష కంఠా! నతు లిత్తును నిరతమ్ము నర్తన లోలా! గతి నీవ జగతి లోనఁ గామ వినాశా! యతి రాణ్నుత మము గావుమా పరమేశా!	2.
పరమేశ.	సతు లిద్దఱు తను వందుఁ జంద్రధరేశా! మితి లేని కరుణ నీది మృత్యు విజేతా! కృతు లిచ్చి తమి నుతింతుఁ గింకర రీతిన్  యతి రాణ్నుత మము గావుమా పరమేశా!	3.
పరమేశ.	సతి నుంచితి తల పైన సవ్యము నందున్ పతితమ్ము విషము కంఠ భాగము నందున్ రతి నుంచితి హరిణాంకుఁ రమ్యపు మౌళిన్   యతి రాణ్నుత మము గావుమా పరమేశా!	4.
పరమేశ.	అతి తీక్ష్ణపు టసమాక్షి యంగజుఁ గాల్చెన్ వ్రత మూనితివి కపాల పంక్తి ధరింపం   బితృ మందిరము ఘనంపు వేశ్మము నీకున్ యతి రాణ్నుత మము గావుమా పరమేశా!	5.

 

14/2/2021.

పరమేశ వృత్తము: స న జ భ గగ ; యతి 10 వ యక్షరము. ప్రాస కలదు.