తెలుఁగు వెలుఁగు.

	తెలుఁగు వెలుఁగు.
సీ.	వర్ణమాల యడర నర్ణవమ్ము పగిది యర్ధ శతము పైన నాఱు మణులఁ గర్ణద్వయమునకుఁ గమనీయ రాగము సమకూర్చు పదముల కొమరు మిగుల నక్షర సత్యమ్ము లైనట్టి నానుళ్ల విం దాఱు రుచులఁ గన్విందు నొసఁగ గీర్వాణ సద్భాష నిర్వివాదమ్ముగఁ దల్లియై నిత్యమ్ము దనరు చుండఁ
ఆ.వె.	బల్లె పల్లె లందుఁ బాట లేలలు మూరఁ  గవులు మించి యల్లఁ గవిత లెల్ల జోల లాలకించి పాలపాపలు పండఁ    దనకుఁ దాన సాటి  తెనుఁగు  భాష	1.
సీ.	అరసున్న లలరార నర్థ బేధమ్ములఁ బరికింపఁగాఁ దెన్గు పదము లంద మటుమాయ మగునట్టి పటుతర ద్రుతములు పరఁగ నొక్క తెనుఁగు పదము లంద నుడికారములు పస నుడువఁ బడుచు నుండ వింత సొబగు లీని సంతతమ్ము నర్థద్వయమ్మున నడరఁ గావ్యములు రెండు నొకట నింపుగఁ దెనుఁగు నంద
ఆ.వె.	యాట లనఁగఁ దనర నవధాన లీలలు తియ్య తియ్య నుడుల ద్విపద లడర వేల యేండ్ల కయిన విశ్వాన గణియింపఁ    దనకుఁ దాన సాటి  తెనుఁగు  భాష	2.